Assalamu
alikum Wr. Wb.
Alhamdulillahirobbil
alaminnn............
All Mukarrom
Poro Alim Ulama’ poro Kyai ingkang satuhu dahat kinurmatan.
Poro
sesepuh, pinisepuh, sanak lan kadang ingkang sinubo ing pakurmatan.
Poro
pilenggah kakung sumawono putri, sumrambahipun poro duto saroyo pangombyong
temanten saking tlatah................ingkang tansah suko basuki.
Mboten
kesupen Minangkani Pengantin kekalih inggih menika roro ayu................saha
raden mas bagus.......................ingkang berbahagia.
Jumbuh
kalian kapitayan kita ingkang linambaran Qur’an Hadist,ijma’ soho
qiyas.sumongga kita tansah raos syukur dumateng ngarso dalem Allah SWT. Ingkang
sampun paring lumebering hidayah, soho kanikmatan dumateng kito lan panjenengan
sami, sehingga kita saget makempal saha manunggal wonten ing papan punika
kanthi keadaan sehat wal afiat.sumonggo kita ikroraken kanti waosan tahmid: Alhamdulillahirabbil
“alamin.
Shalawat ugi
salam mugio tansah kaaturaken dumateng junjungan kito Nabi Agung Muhammad
SAW.ingkan saestu kito nyadong lumunturing syafa’at benjang wonten pakewuh ipun
dinten qiyamat.”Allahumma
Sholli ala sayyidina muhammad<wa ala alaihi sayidina muhammad”
Poro rawuh kakung
sumawana putri ingkang kinurmati, mboten ateges cumantoko kawulo jumeneng wonten
ngarso panjenengan sami, anamung piniji minongko pambiworo lampahing adicoro
pasamuhan walimatul urs ipun Raden Bagus ... bin ... kalian Raden ajeng Roro
... binti ...
Nuninggih
poro pilenggah,kawula kapatah pranata adicara badhe ngaturaken laksitaning adicara
ingkang sampun karonce dening keluargo inggih menika:
- Eko Prastowo Adicara inggih menika Purwaka
- Dwi Prastowo Adicara inggih menika waosan pustoko suci al Qur’an
- Tri Prastowo Adicara inggih menika Atur pambagyo pinongko atur pasrah
- Catur Prastowo Adicara inggih menika Istirahat / Kirab temanten saha temonnn
- Catur Prastowo Adicara inggih menika wedar Sabdo/ mauidhoh hasanah
- Adicara ingkang kaping pungkasan inggih menika Doa lan Penutup
Poro rawuh kakung sumawana putri ingkang kinurmati,Adicara ingkang kaping sepisan inggih menika Purwaka,sumonggo dipun
wilahi khanti waosan ummul kitab”alaniyatina wa ala
niyatikum>Alfatihah........
Mekaten
adicoro sampun binuko mugio lampahing adicoro awit purno dalah wusono
pinaringan rahayu tebih ing sambikolo.
Kalajengaken
adicoro ingkang dumawah ongko kalih, lumantuning
waosan ayat-ayat suci al-Qur’an ingkang bade kalantunaken dening ....dumateng...
wekdal soho panggenan kaaturaken.
Ndungkap
adicoro ingkang ongko tigo nuninggih atur
pambagyo pinongko pasrah temanten ... ,dumateng duto saroro pangombyong ingkang
sampun kajibah kawula sumanggaaken.
Dumateng
panjenengan ipun bapa.......... kaaturaken agunging panuwun
*) Kirab Kanarendran / Temon
Poro rawuh kakung sumawana putri ingkang dahat minulyeng budi. Sampun sawatawis Pinanganten sarimbit nggenya lenggah ing dhampar pinasri. Keparenging karsa nedya manjing sasana busana,Gebyar gebyar pating calorot busanane. Endah asri yayah kawuryan, lah puniko chandrane temanten sarimbit,
*) Kirab Kanarendran / Temon
Poro rawuh kakung sumawana putri ingkang dahat minulyeng budi. Sampun sawatawis Pinanganten sarimbit nggenya lenggah ing dhampar pinasri. Keparenging karsa nedya manjing sasana busana,Gebyar gebyar pating calorot busanane. Endah asri yayah kawuryan, lah puniko chandrane temanten sarimbit,
Soyo caket soyo caket anggenipun lumaksono, risang
temanten putri dupi wus dumugi papan kang wus sinedyo, pating calorot pating
galebyar sunare pepindhane kartiko kang asesilih prenah, sang dyah ayu
tumungkul semu mesem ing wardoyo rinenggo ing sesotya maneko warno.
Penganten kakung Wus lukar busono satryo sangsoyo
angenguwung prabane, sangsoyo mencorong guwayane, sangsoyo manteb penggalihe,
Sampun
tumuju ugyan kang tinuju nenggih risang pinanganten wonten ing sasana rinenggo
, gunging panuwun dhumateng poro tamu ingkang sampun suko pakurmatan tumapaking
adicoro panggih, kepareng lenggah ing sasana
mulyo , suko ing driyo risang pinangantyan putri,
ginontho ing wardoyo, kadyo puspo warnane.
Penganten kekalih kapangku dening kang romo kanthi
astho kekelih, karangkulaken ing pamidhanganipun tementen sekaliyan,Sineksenan
dening ingkang ibu miwah poro- poro ingkang humiyat, punopo malih poro sepuh
ingkang mahambeg dharmo, prasemonipun bilih romo ibu kekalih sampun satraju mengestoni,
lan jumurung puji hastawanipun dhateng dhaupipun temanten sekaliyan, kanthi
sampun mboten badhe emban cindhe emban siladan, anggenipun angrengkuh dhumateng
putro temanten sekaliyan, putro kekalih karengkuh kados yugo piyambak, mboten
wonten pundi ingkang sinebat putro mantu sadoyo kaanggep sami
Kacar kucur :
Panjenenganipun poro tamu kang mahambeg luhuring dharmo kakung sumawono putri,
pinaringan sih wilasaning Gusti kang Moho Agung, Temanten sekaliyan sampun
kalampahan panggih, kaparengo gyo ngadani adicoro kacar kucur
Kawuryan risang pinanganten putri nampi tompa kaya
datan wonten ingkang marebel sanajan kang sajugo, mratandhani dados wanodyo
ingkang gemi nastiti, surti tur ngati-ati.
Asiling tompo koyo laju katitipaken mring wanodyo kang pinitados rumekso
kawidagdaning tampo koyo nun inggih ingkang ibu…………paripurno nitipaken tompo
koyo, pinanganten sarimbit wangsul ing sasana sakawit, nenggih sasa na
rinenggo.
Dhahar
Kembul :
Tumuli risang pinanganten nindaaken dhahar kembul,
dhahar nedo kembul yo wus ngarani sesarengan, pralambang sageto tumangkep
manggih sih katresnanipun temanten kakung putri, jumbuh ingkang ginayuh, sak
yek sak eko karti sembodo ingkang sinedyo, rengganeng boso ngaten sinebat
manunggaling karso marganing mulyo
Ngunjuk toya wening :
Paripurno
dhahar kembul, sri pinanganten sarimbit ngunjuk toyo wening, dadi pratandha,
kalamun risang pinanganten badhe necep maduning asmoro janmo, manunggalaken ing
roso, satemah mijilaken komo warni seto saking pokaling bapa, miwah komo warni
rekto saking pokaling reno, ing tembe saged mbabar putro kang minongko
rerengganing balewismo,
Ngunjuk toyo wening ugi dados pratandha, kalamun sedoyo tumindak miwah muna
muni, badhe kapenggalih kanthi weninging nolo, satemah amung rahayu kang bakal
tinemu, kados unen – unen, ajining dhiri gumantung lathi, ajining raga
gumantung busono
*) SUNGKEMAN
Jroning ndriya muhung arsa sungkem lan ngabekti dhumateng ingkeng ibu
saha ingkeng bapa sinartan paminta idi pangestu anggenira palakrama pinaringana
yuwana, kinalisna ing rubeda, bagya mulya
“ Duh anaakku ngger temanten sakloron….
“ Duk kalane
isih cilik siro dak kekudang yen tho dewosomu biso winengku dening satriyo tomo
wanito tomo, ingkang sembodo hangayomi jiwo raganiro ing mengko tumekeng
delahan, ing kalungguhan iki, sepiro tho lego bungahing atiku dene kekudanganku
jebul wus dadi kasunyatan, kang menkono lelungsen dak bebekali, kanthi dak
suwunake kamurahaning Gusti ingkang Moho Agung, Pangestune romo ibu marang siro
sakloron bebasan tansah anglur selur pindho ilineng narmodo, mugo nggeniro
polokromo biso tuwuh hangremboko, nganthi tumekaning kaki nini, alandesan
dharmaning roso tresno kang hangremboko, binarung lan pangestune romo ibu kang
wus satruju dumurungi marang polokaramamu , biso atut saruntut kadi mimi lan
mintuno, mugyo tansah manggih kabagyan miwah kamulyan, Piwelingku aja nganti lali
Anggonira mbangun bale wisma
Runtut atut sakarone
Adohna tukar padu
Tansah eling sabarang ati
Kuwat nampa panandhang
Tan gampang amutung
Dadiya tepa tuladha
Uripira migunani mring sesami
Anggonira mbangun bale wisma
Runtut atut sakarone
Adohna tukar padu
Tansah eling sabarang ati
Kuwat nampa panandhang
Tan gampang amutung
Dadiya tepa tuladha
Uripira migunani mring sesami
Poro rawuh kakung sumawana putri
ingkang kinurmati ,Catur Prastowo Adicara inggih
menika wedar Sabdo/ mauidhoh hasanah ingkang badhe dipun pandegani dening
bapa:..............
Dumateng bapa...........kawula
sumangga aken.
Poro rawuh kakung sumawana putri ingkang kinurmati ,Adicara ingkang kaping
pungkasan inggih menika Doa lan Penutup,Kawula atas nami latifatul liana
minangka Pranata Adicara sedaya kekirangan saha kalepatan nyuwun Agunging
pangaksama.
Sagung Para tamu ingkang satuhu berbudi mahambeg darma. Pinangka pratandha paripurnaning pahargyan, pinanganten sarimbit jinajaran rama ibu keparenga jengkar saking palenggahan, tumuli jumeneng wonten korining sasana pahargyan, saperlu hanampi paring pangestunipun sagung para tamu saha undangan.
Dhumateng Ibu Juru Pangadi busana kasuwun hamratitisaken, dhumateng kadang panatapita suwara, kasuwun hangiringi kanthi larasing gendhing mugi rahayu ingkang samya pinanggih.
Pinangka panutuping atur, kula hangaturaken agunging panuwun, sugeng kondur mugi widada ing marga.” Santen Parutan klopo,menawi lepat nyuwun ngapuro”
Sagung Para tamu ingkang satuhu berbudi mahambeg darma. Pinangka pratandha paripurnaning pahargyan, pinanganten sarimbit jinajaran rama ibu keparenga jengkar saking palenggahan, tumuli jumeneng wonten korining sasana pahargyan, saperlu hanampi paring pangestunipun sagung para tamu saha undangan.
Dhumateng Ibu Juru Pangadi busana kasuwun hamratitisaken, dhumateng kadang panatapita suwara, kasuwun hangiringi kanthi larasing gendhing mugi rahayu ingkang samya pinanggih.
Pinangka panutuping atur, kula hangaturaken agunging panuwun, sugeng kondur mugi widada ing marga.” Santen Parutan klopo,menawi lepat nyuwun ngapuro”
Wabillataufiq
wa hidayah,
Wassalamu’alaikum
wr. wb
Tidak ada komentar:
Posting Komentar